回想起當初時，頭起先接觸台灣歷史佮地理，毋知影內容干會傷硬篤？
我共內容改變用時間線來表達，故事一个接一个連紲講，
無疑悟囝仔若聽若入迷，感覺心適。我嘛愈講愈興，毋而過進度已經過頭，只好暫且停落來。
台灣歷史佮地理是對台灣地理安怎生成開始講起，
接紲講遠古時代、講到西班牙、荷蘭時代、鄭成功時代、清朝、日據時代……，
遮對囝仔來講是足遙遠的代誌。
一个接一个故事變作是一个的畫面，就卡接近囝仔會當理解的內容。
我有時陣會畫烏枋畫，我嘛佮囝仔作夥走入古早時代內底，
囝仔嘛會若畫若佮我討論，為啥物佇彼个當時會有這種代誌發生，
囝仔的想法永遠攏是新奇趣味-ê，不止仔特別。
雅玲老師